రామోజీ ఫిల్మ్ సిటీలో రాష్ట్రపతికి ఘన స్వాగతం

హైదరాబాద్, డిసెంబర్ 19 (తెలంగాణ ముచ్చట్లు)

శీతాకాల విడిది సందర్భంగా భారత రాష్ట్రపతి ద్రౌపది ముర్ము హైదరాబాద్‌కు చేరుకున్నారు. రామోజీ ఫిల్మ్ సిటీలో ఆమెకు రాచకొండ పోలీస్ కమిషనర్ సుధీర్ బాబు ఐపీఎస్ పుష్పగుచ్ఛం అందించి ఘనంగా స్వాగతం పలికారు.రాష్ట్రపతి పర్యటనను పురస్కరించుకుని పోలీస్ శాఖ విస్తృత స్థాయిలో భద్రతా ఏర్పాట్లు చేసినట్లు సీపీ సుధీర్ బాబు తెలిపారు. ఎలాంటి అవాంఛనీయ ఘటనలు జరగకుండా అన్ని ప్రాంతాల్లో కట్టుదిట్టమైన భద్రత ఏర్పాటు చేసినట్లు ఆయన వెల్లడించారు.