దశాబ్దాల నిరీక్షణకు తెర.. బండమీద వడ్డెర కాలనీకి విద్యుత్ వెలుగులు.

భీమదేవరపల్లి, అక్టోబర్ 5 (తెలంగాణ ముచ్చట్లు):

ముల్కనూరు గ్రామంలోని బండమీద వడ్డెర కాలనీవాసుల దశాబ్దాల నిరీక్షణకు ఎట్టకేలకు తెరపడింది. ఇన్నాళ్లు విద్యుత్ సౌకర్యం లేక తీవ్ర ఇబ్బందులు ఎదుర్కొన్న కాలనీలో కొత్తగా విద్యుత్ స్తంభాలు, వైరింగ్, వీధి దీపాలను ఏర్పాటు చేశారు.

కాలనీకి విద్యుత్ వెలుగులు రావడంతో నివాసితులు హర్షం వ్యక్తం చేశారు. విద్యుత్ సౌకర్యం కల్పించేందుకు కృషి చేసిన గ్రామ ప్రజాప్రతినిధులు, విద్యుత్ శాఖ అధికారులకు కాలనీవాసులు ప్రత్యేక కృతజ్ఞతలు తెలిపారు.

ఈ కార్యక్రమంలో విద్యుత్ శాఖ ఏఈ లక్ష్మణ్ నాయక్, లైన్‌మెన్ విజయ్, ముల్కనూరు సర్పంచ్ జాలి ప్రమోద్ రెడ్డి, ఉపసర్పంచ్ మమతా బాలకృష్ణ, వార్డు సభ్యులు వసంత, శ్రీను తదితరులు పాల్గొన్నారు.