లబ్ధిదారులకు అండగా సీఎం సహాయనిధి.

*పేద కుటుంబాలకు ఆర్థిక భరోసా – ఎమ్మెల్యే డా. కవ్వంపల్లి సత్యనారాయణ*

మానకొండూర్, అక్టోబర్ 5(తెలంగాణ ముచ్చట్లు ):

మానకొండూర్ నియోజకవర్గంలోని శంకరపట్నం మండల కేంద్రంలో గల రైతు వేదిక భవనంలో ముఖ్యమంత్రి సహాయనిధి (సీఎంఆర్‌ఎఫ్‌) చెక్కులను లబ్ధిదారులకు పంపిణీ చేశారు. మానకొండూర్ ఎమ్మెల్యే, టీపీసీసీ ఎస్సీ సెల్ చైర్మన్ డా. కవ్వంపల్లి సత్యనారాయణ మండలానికి చెందిన లబ్ధిదారులకు ఈ చెక్కులను అందజేశారు.

ఈ సందర్భంగా ముఖ్యమంత్రి సహాయనిధి ద్వారా అర్హులైన పేద కుటుంబాలకు ఆర్థిక సహాయం అందడం ద్వారా వైద్య ఖర్చుల భారాన్ని తగ్గించుకునే అవకాశం కలుగుతుంది. ప్రజలకు అవసరమైన సమయంలో ప్రభుత్వ సహాయం అందించడంలో ఈ పథకం కీలక పాత్ర పోషిస్తుంది.

ఈ కార్యక్రమంలో స్థానిక ప్రజాప్రతినిధులు, కాంగ్రెస్ పార్టీ నాయకులు, కార్యకర్తలు, లబ్ధిదారులు తదితరులు పాల్గొన్నారు.