తెలంగాణ ముచ్చట్లు, మందమర్రి:
రాష్ట్రంలో బీసీ కుల గణన ప్రక్రియ ప్రారంభించిన కాంగ్రెస్ ప్రభుత్వానికి, రాష్ట్ర ముఖ్యమంత్రి రేవంత్ రెడ్డికి ధన్యవాదాలు తెలుపుతూ జాతీయ బీసీ సంక్షేమ సంఘం ఆధ్వర్యంలో బుధవారం పట్టణంలోని సింగరేణి ఉన్నత పాఠశాల మైదానం సమీపంలో కల రాజ్యాంగ నిర్మాత, భారతరత్న, బాబా సాహెబ్ డాక్టర్ బిఆర్ అంబేద్కర్ విగ్రహానికి పుష్పాభిషేకం నిర్వహించారు. ఈ సందర్భంగా సంఘం నాయకులు మాట్లాడుతూ, ముందుగా కుల గణన ప్రక్రియ ప్రారంభించిన కాంగ్రెస్ ప్రభుత్వానికి, రాష్ట్ర ముఖ్యమంత్రి రేవంత్ రెడ్డికి ప్రత్యేక ధన్యవాదాలు తెలిపారు. ఎన్నికల్లో ఇచ్చిన హామీ మేరకు బిసి కుల గణన ప్రక్రియ మొదలు పెడుతూ జీఓ నెంబర్ 18ని విడుదల చేయడం సంతోషకరమని హర్ష వ్యక్తం చేశారు. ఈ కార్యక్రమంలో సంఘం నాయకులు, కార్యకర్తలు పాల్గొన్నారు.
Comments