వనపర్తి ,తెలంగాణ ముచ్చట్లు:
కేంద్ర హోం శాఖ మంత్రి అమిత్ షా పార్లమెంటులో భారత రాజ్యాంగ నిర్మాత డాక్టర్ బి.ఆర్ అంబేద్కర్ పై చేసిన వ్యాఖ్యలను వనపర్తి మాదిగ జర్నలిస్టు బండి రాజు గురువారం ఒక ప్రకటనలో తీవ్రంగా ఖండించారు. అంబేద్కర్ పై అమిత్ షా చేసిన వ్యాఖ్యలు అవమానకరంగా ఉన్నాయని, అంబేద్కర్ ను అవమానించారని అందుకు కేంద్ర హోం మంత్రి అమిత్ షా దేశ ప్రజలకు క్షమాపణలు చెప్పాలని అన్నారు. అంబేద్కర్, అంబేద్కర్, అంబేద్కర్, అనడం ఫ్యాషన్ అయిందని వ్యాఖ్యలు చేసి అంబేద్కర్ ని అవమానించారని అన్నారు . రాజ్యాంగం అంటే గౌరవం లేదని రాజ్యాంగాన్ని రద్దు చేయాలనే ఆలోచన ఉన్నట్టుగా ఆయన వ్యాఖ్యలు ఉన్నాయని భావించాల్సి ఉంటుందని అన్నారు. అమిత్ షా వ్యాఖ్యలు ఆయన అహంకారానికి నిదర్శనమని ఆరోపించారు. దేశంలోని బహుజన బడుగు వర్గాల మనోభావాలు దెబ్బతినే విధంగా అమిత్ షా వ్యాఖ్యలు ఉన్నాయని మండిపడ్డారు. వెంటనే ఆయన చేసిన వ్యాఖ్యలు వెనక్కి తీసుకొని క్షమాపణలు చెప్పాలని మాదిగ జర్నలిస్ట్ బండి రాజు డిమాండ్ చేశారు.
Comments