పెద్దమందడి,డిసెంబర్22(తెలంగాణ ముచ్చట్లు):
పెద్దమందడి మండలం వెల్టూర్ గ్రామంలో నూతనంగా ఎన్నికైన సర్పంచ్గా అశోక్ (చిట్టి) గురువారం ఘనంగా ప్రమాణ స్వీకారం చేశారు. ఆయనతో పాటు ఉప సర్పంచ్, వార్డు సభ్యులు కూడా తమ పదవులపై ప్రమాణ స్వీకారం చేయడం జరిగింది.ఈ కార్యక్రమంలో పలువురు గ్రామ పెద్దలు, ప్రజాప్రతినిధులు, నాయకులు పాల్గొని నూతన సర్పంచ్ అశోక్ను ఘనంగా సన్మానించారు. గ్రామ అభివృద్ధికి కృషి చేయాలని ఆకాంక్షిస్తూ హృదయపూర్వక శుభాకాంక్షలు తెలిపారు.
ఈ సందర్భంగా సర్పంచ్ అశోక్ మాట్లాడుతూ.. గ్రామ అభివృద్ధి, ప్రజా సమస్యల పరిష్కారం, పారదర్శక పాలనకు ప్రాధాన్యత ఇస్తామని తెలిపారు. వెల్టూర్ గ్రామాన్ని అన్ని రంగాల్లో ముందుకు తీసుకెళ్లేందుకు ఉప సర్పంచ్, వార్డు సభ్యులు, గ్రామ ప్రజల సహకారంతో పనిచేస్తామని ఆయన అన్నారు.
కార్యక్రమం గ్రామంలో ఉత్సాహభరిత వాతావరణంలో కొనసాగింది. ఈ కార్యక్రమంలో గ్రామ పెద్దలు,యువకులు, మహిళలు పెద్ద ఎత్తున పాల్గొన్నారు.
Comments