దుబాయ్ డెలివరీ బాయ్స్ ఉద్యోగాలకై నిర్వహించు ఇంటర్వ్యూకు హాజరు కావాలి .... 

-ఇండియన్ టూ వీలర్ డ్రైవింగ్ లైసెన్స్ కలిగి ఉండాలి

-ఈ నెల 20న నిర్వహించు ఇంటర్వ్యూకు హాజరు కావాలి

ఖమ్మం బ్యూరో,తెలంగాణ ముచ్చట్లు:

దుబాయ్ లో డెలివరీ బాయ్స్ గా పని చేయుటకు బైక్ రైడర్స్ కోసం ఈ నెల 20న హైదరాబాద్ విజయనగర కాలనీ లోని మల్లేపల్లి ఐ.టి. ఐ. క్యాంపస్ లో టాం కాం ద్వారా  నిర్వహించు ఇంటర్వ్యూ కు ఆసక్తి, అర్హత గల వారు హాజరు కావాలని జిల్లా ఉపాధి అధికారి ఎన్. మాధవి మంగళవారం ఒక ప్రకటనలో తెలిపారు.
తెలంగాణ ప్రభుత్వ కార్మిక, ఉపాధి శిక్షణ, కర్మాగారాల శాఖ క్రింద నమోదు చేయబడిన రిక్రూట్మెంట్ ఏజెన్సీ టామ్ కామ్ అని, దీని ద్వారా తెలంగాణ నుండి అర్హత, నైపుణ్యం కలిగిన వారికి ఉద్యోగాలు కల్పించేందుకు విదేశాలలో ప్రభుత్వ, ప్రైవేట్ రిజిస్టర్డ్ ఏజెన్సీలతో భాగస్వామ్యం కుదుర్చుకున్నదని తెలిపారు.
అభ్యర్థులు 21 నుండి 38 సంవత్సరాల వయస్సు కలిగి తప్పనిసరిగా కనీసం పదవ తరగతి ఉత్తీర్ణులై, 3 సంవత్సరాల పాతది డ్రైవింగ్ లైసెన్స్ కలిగి ఉండాలని, ఇంటర్వ్యూ కు ఒరిజినల్ పాస్ పార్ట్ తప్పని సరిగా తీసుకురావాలని సూచించారు.
మరిన్ని వివరాలకు 9440050951 / 9440049861 / 94400 51452 నందు సంప్రదించాలని జిల్లా ఉపాధి అధికారి ఆ ప్రకటనలో తెలిపారు.