హుజురాబాద్ టౌన్ ఏప్రిల్ 02 (తెలంగాణ ముచ్చట్లు):
హుజురాబాద్లోని ప్రసిద్ధ హనుమాన్ దేవాలయం చిన్న హనుమాన్ జయంతి సందర్భంగా భక్తి పారవశ్యంతో కళకళలాడింది. వేకువజామున నుంచే హనుమాన్ దీక్షాపరులు “జై శ్రీరామ్” నినాదాలతో ఆలయాన్ని నింపి ప్రత్యేక పూజల్లో పాల్గొన్నారు.
ఆలయ అర్చకులు భాస్కర్ స్వామివారికి ఘనంగా అర్చనలు, అభిషేకాలు నిర్వహించగా, ఆలయం అంతటా ఆధ్యాత్మిక వాతావరణం నెలకొంది. పూజల అనంతరం భక్తులకు తీర్థ ప్రసాదాలు అందజేయగా, భక్తులు భక్తిశ్రద్ధలతో స్వీకరించారు.
హనుమాన్ దీక్ష పరుల కోసం ప్రత్యేకంగా అన్నదానం ఏర్పాటు చేసి, భక్తులకు సాత్విక భోజనం వడ్డించారు. పెద్ద సంఖ్యలో తరలివచ్చిన భక్తులు స్వామివారి దర్శనం చేసుకొని, ఆశీస్సులు పొందారు. మొత్తం మీద హుజురాబాద్లో చిన్న హనుమాన్ జయంతి వేడుకలు భక్తి, శ్రద్ధ, వైభవాలతో సాగాయి.
Comments