వేలేరు సర్పంచ్‌గా బిల్లా యాదగిరి ప్రమాణ స్వీకారం

వేలేరు, 22 డిసెంబర్ (తెలంగాణ ముచ్చట్లు): వేలేరు మండల కేంద్రంలో నూతనంగా ఎన్నికైన సర్పంచ్ బిల్లా యాదగిరి, ఉపసర్పంచ్ శ్రీకర్‌తో పాటు వార్డు మెంబర్లు అందరూ వేలేరు తహసీల్దార్ కోమి నేతృత్వంలో తమ పదవులకు అధికారికంగా ప్రమాణ స్వీకారం చేశారు.
ఈ సందర్భంగా సర్పంచ్ బిల్లా యాదగిరి మాట్లాడుతూ, గ్రామ అభివృద్ధి కోసం అందరూ కలసి ముందుకు సాగాలని పిలుపునిచ్చారు. రాజకీయాలకు అతీతంగా అందరం కలిసి గ్రామాన్ని అభివృద్ధి పథంలో నడిపేందుకు కృషి చేయాలని తెలిపారు. తమపై నమ్మకం ఉంచి గెలిపించిన గ్రామ ప్రజలకు పేరు పేరున ధన్యవాదాలు తెలియజేశారు.
గ్రామాన్ని అన్ని రంగాల్లో అభివృద్ధి దిశగా తీసుకెళ్లేందుకు నిరంతరం శ్రమిస్తామని ఆయన హామీ ఇచ్చారు.