హుజూరాబాద్, మే 01(తెలంగాణ ముచ్చట్లు ):
ప్రజా పాలన ప్రగతి ప్రణాళిక 99లో భాగంగా హుజూరాబాద్ ప్రభుత్వ ఆసుపత్రిలో ‘బాల భరోసా’ కార్యక్రమాన్ని మున్సిపల్ చైర్మన్ రొంటాల సుహాసిని ఘనంగా ప్రారంభించారు. చిన్నారుల ఆరోగ్య సమస్యలకు సమగ్ర పరిష్కారం అందించాలనే లక్ష్యంతో ఈ కార్యక్రమాన్ని చేపట్టినట్లు ఆమె తెలిపారు.
RBSK ద్వారా వైద్యపరమైన లోపాలు గుర్తించిన 23 మంది పిల్లలకు నిపుణుడు డాక్టర్ నవీన్ ప్రత్యేక వైద్య పరీక్షలు నిర్వహించారు. పిల్లల ఆరోగ్యాన్ని మెరుగుపర్చేందుకు అవసరమైన చికిత్సలు అందించేందుకు వైద్య బృందం కృషి చేస్తోందని పేర్కొన్నారు.
ఈ కార్యక్రమంలో ఆసుపత్రి సూపరింటెండెంట్ డాక్టర్ నారాయణ రెడ్డి, డిప్యూటీ DMHO శ్రవణ్ కుమార్, డాక్టర్ తులసీదాస్, డాక్టర్ జరీనా, CDPO సుగుణతో పాటు వైద్య సిబ్బంది పాల్గొన్నారు. చిన్నారుల ఆరోగ్యంపై ప్రభుత్వం తీసుకుంటున్న చర్యలకు స్థానికులు అభినందనలు తెలిపారు.
Comments