_కాలనీలో పర్యటించిన నెమలి అనిల్ కుమార్
– తాగునీరు, డ్రైనేజీ, రోడ్ల సమస్యలకు శాశ్వత పరిష్కారం చూపుతామని హామీ
మల్లాపూర్, ఫిబ్రవరి 27 (తెలంగాణ ముచ్చట్లు)
ఉప్పల్ నియోజకవర్గం ఉమ్మడి మల్లాపూర్ పరిధిలోని శక్తిసాయి నగర్ డివిజన్కు ఇటీవల విలీనం అయిన భరత్ నగర్ కాలనీలో “బస్తీ బాట” కార్యక్రమం నిర్వహించబడింది. ఈ కార్యక్రమంలో భాగంగా గ్రేటర్ కాంగ్రెస్ నాయకుడు నెమలి అనిల్ కుమార్ కాలనీలో పర్యటించి ప్రజల సమస్యలను ప్రత్యక్షంగా తెలుసుకున్నారు.కాలనీలో తాగునీరు, డ్రైనేజీ, రోడ్లు, దోమల సమస్య, స్ట్రీట్ లైట్లు వంటి మౌలిక వసతుల కొరతపై స్థానికులు వివరించిన సమస్యలను ఆయన శ్రద్ధగా విన్నారు. సమస్యల పరిష్కారానికి వెంటనే సంబంధిత ఉన్నతాధికారులతో మాట్లాడి చర్యలు తీసుకుంటామని హామీ ఇచ్చారు. ప్రజా సమస్యల పరిష్కారమే కాంగ్రెస్ ప్రభుత్వ ప్రధాన లక్ష్యమని ఈ సందర్భంగా పేర్కొన్నారు.ఉప్పల్ నియోజకవర్గ కాంగ్రెస్ పార్టీ ఇంచార్జి మందముల పరమేశ్వర్ రెడ్డి సహకారంతో భరత్ నగర్ కాలనీలోని ప్రధాన సమస్యలకు శాశ్వత పరిష్కారం చూపిస్తామని నెమలి అనిల్ కుమార్ స్పష్టం చేశారు.ఈ కార్యక్రమంలో రాష్ట్ర సేవాదళ్ కాంగ్రెస్ ప్రధాన కార్యదర్శి సద్గుణ, మల్లాపూర్ డివిజన్ ప్రధాన కార్యదర్శి తాండ్ర శ్రీకాంత్ రెడ్డి, సీనియర్ నాయకులు మక్తాల బాలరాజ్ గౌడ్, వుండం శ్రీనివాస్, లక్ష్మీపతి, సురేష్ గౌడ్, కంపెల్లి శివ, ఎన్ఎస్యూఐ అధ్యక్షుడు బాతరాజు రాహుల్ తదితరులతో పాటు కాలనీకి చెందిన పలువురు స్థానికులు పాల్గొని కార్యక్రమాన్ని విజయవంతం చేశారు.
Comments