కాప్రా, అక్టోబర్ 9 (తెలంగాణ ముచ్చట్లు)
ఉప్పల్ నియోజకవర్గం కాప్రా సర్కిల్ మీర్పేట హౌసింగ్ బోర్డు కాలనీ డివిజన్ పరిధిలో ని నోమా కళ్యాణ మండపం నుండి రైల్వే ట్రాక్ వరకు ఇటీవల చేపట్టిన బాక్స్ డ్రైన్ వెడల్పు నిర్మాణ పనులను స్థానిక కార్పొరేటర్ జెరిపోతుల ప్రభుదాస్ గురువారం పరిశీలించారు.ఈ సందర్భంగా కార్పొరేటర్ ప్రభుదాస్ మాట్లాడుతూ, “ఈ బాక్స్ డ్రైన్ వెడల్పు నిర్మాణం పూర్తయితే వర్షం నీరు నిల్వ ఉండకుండా ప్రజలకు ఇబ్బందులు లేకుండా ఉంటుంది. డ్రైనేజీ నీరు రోడ్లపైకి రాకుండా ప్రధాన సమస్యకు పరిష్కారం లభిస్తుంది” అన్నారు.పనుల నాణ్యతను పరిశీలిస్తూ అధికారులు త్వరితగతిన నిర్మాణం పూర్తి చేయాలని సూచించారు.ఈ కార్యక్రమంలో డీఈ రూప, ఏఈ లింగారావు, వర్క్ ఇన్స్పెక్టర్ చారి, శ్రీనివాస్, స్థానిక నాయకులు సాయి కుమార్, శేఖర్ గౌడ్, దండెం నరేందర్ తదితరులు పాల్గొన్నారు.
Comments