భద్రాద్రి (కొత్తగూడెం),తెలంగాణ ముచ్చట్లు:
భద్రాద్రి కొత్తగూడెం జిల్లా దమ్మపేటలో సినీ నటుడు మంచు మోహన్ బాబు మీడియా పై చేసిన దాడిని స్వేచ్ఛా ప్రెస్ క్లబ్ తీవ్రంగా ఖండించింది. ఈ సందర్భంగా, రిపోర్టర్ తంబళ్ల రవి మాట్లాడుతూ, మీడియా పై దాడి చేసిన మంచు మోహన్ బాబు పై తక్షణమే చట్టపరమైన చర్యలు తీసుకోవాలని, ఆయన జర్నలిస్ట్లకు బహిరంగ క్షమాపణ చెప్పాలంటూ కోరారు.
మోహన్ బాబు మీడియా ప్రతినిధులపై దుర్భాషలాడుతూ దాడి చేయడం సరికాదని పేర్కొన్నారు. ఈ తరహా చర్యలను ఎవరైనా చేసినా క్షమించదగినవి కాదని, వెంటనే మంచు మోహన్ బాబు పై హత్యాయత్నం కేసు నమోదు చేయాలని డిమాండ్ చేశారు.ఈ నిరసన కార్యక్రమంలో ప్రెస్ క్లబ్ సభ్యులు గంగాధర్ శ్రీను, కారం నాగేంద్ర, తంబళ్ల రవి తదితరులు పాల్గొన్నారు.
Comments