సింగపురం అమృతయ్య 12వ వర్ధంతి సందర్భంగా పేదలకు చీరల పంపిణీ

స్టేషన్ ఘనపూర్,తెలంగాణ ముచ్చట్లు: కాంగ్రెస్ పార్టీ స్టేషన్ ఘనపూర్ నియోజకవర్గ ఇంచార్జ్ సింగపురం ఇందిరా భర్త కీర్తిశేషులు సింగపురం అమృతయ్య 12వ వర్ధంతి వేడుకలు ఆదివారం మండల కేంద్రంలో ఘనంగా నిర్వహించారు.ఈ సందర్భంగా నిర్మల మాత చర్చిలో ప్రత్యేక ప్రార్థనలు నిర్వహించి,అమృతయ్యకు ఘన నివాళులు అర్పించారు.అనంతరం పేదలకు చీరల పంపిణీ చేశారు. ఈ కార్యక్రమం టీపీసీసీ రాష్ట్ర ప్రధాన కార్యదర్శి సింగపురం ఇందిరా మార్గదర్శకంలో జరిగింది.ఈ కార్యక్రమంలో చర్చి ఫాదర్ అగస్టిన్, మాజీ ఎంపీటీసీ ఫోరమ్ మండల అధ్యక్షుడు సింగపురం దయాకర్, కాంగ్రెస్ పార్టీ జిల్లా ఎస్సీ సెల్ ఉపాధ్యక్షుడు సింగపురం నాగయ్య, చర్చి సిస్టర్స్, సంఘం పెద్దలు, స్థానికులు పాల్గొన్నారు.