నాగారం, సెప్టెంబర్ 25 (తెలంగాణ ముచ్చట్లు):
రాష్ట్రవ్యాప్తంగా నిర్వహిస్తున్న "ఎక్ దిన్, ఎక్సాత్ సాత్, ఎక్ గంట" శుభ్రతా కార్యక్రమం లో భాగంగా, నాగారం మున్సిపాలిటీ పరిధిలోని డబుల్ బెడ్రూమ్ కాలనీలో శుభ్రతా దినోత్సవం ఘనంగా జరిగింది.ఈ కార్యక్రమాన్ని నాగారం మున్సిపల్ కమిషనర్ ఎస్. భాస్కర్ రెడ్డి ఆధ్వర్యంలో మున్సిపల్ సిబ్బంది మరియు కాలనీవాసులు కలిసి నిర్వహించారు. ఉదయపు ఒక గంటపాటు సమిష్టిగా పనిచేసి పరిసరాలను శుభ్రం చేశారు.కమిషనర్ భాస్కర్ రెడ్డి మాట్లాడుతూ,"ప్రజల భాగస్వామ్యం శుభ్రతలో కీలకమైనది. ఇలాంటి కార్యక్రమాలు సమాజంలో శుభ్రతపై అవగాహన పెంపొందిస్తాయి. ప్రతి ఒక్కరూ చురుకుగా పాల్గొనడం ద్వారా మన వాతావరణం ఆరోగ్యకరంగా మారుతుంది" అని తెలిపారు.ఈ కార్యక్రమంలో డిప్యూటీ ఎగ్జిక్యూటివ్ ఇంజనీర్ సంతోష్ కుమార్, రెవెన్యూ అధికారి నాగేశ్వరరావు, మేనేజర్ సురేష్ రెడ్డి, ఎన్విరాన్మెంటల్ ఇంజనీర్ బి. శ్రావణ్ కుమార్, సానిటరీ ఇన్స్పెక్టర్లు ప్రదీప్, ఎ. బాబు, వార్డు ఆఫీసర్లు, బిల్ కలెక్టర్లు మరియు మున్సిపల్ కార్యాలయ సిబ్బంది పాల్గొన్నారు.డబుల్ బెడ్రూమ్ కాలనీ శుభ్రతతో అందంగా మారడమే కాక, ప్రజల్లో శుభ్రతపై చైతన్యం పెంపొందించడంలో ఈ కార్యక్రమం మైలురాయిగా నిలిచింది.
Comments