మీదికొండ క్రాస్ వద్ద ఘోర రోడ్డు ప్రమాదం.

*కారు ఢీకొని ఆటో బోల్తా..*

*మహిళ దుర్మరణం, మరో 7 గురికి గాయాలు*

స్టేషన్ ఘన్‌పూర్, అక్టోబర్ 14 (తెలంగాణ ముచ్చట్లు):

మండలంలోని మీదికొండ క్రాస్ సమీపంలో బుధవారం సాయంత్రం జరిగిన రోడ్డు ప్రమాదంలో ఓ మహిళ మృతి చెందగా, ఏడుగురు గాయపడ్డారు.వ్యవసాయ పనులు ముగించుకుని స్టేషన్ ఘన్‌పూర్ పట్టణానికి చెందిన కామల్ల ఐలమ్మ(55), నీరటి మౌనిక, పిట్టల రేణుక తదితరులు ఏపీ 03 టీ 0105 ఆటోలో తిరిగి వస్తుండగా, వెనుక నుంచి వేగంగా వచ్చిన టీఎస్ 27 టీ 7986 కారు బలంగా ఢీకొట్టినట్లు సమాచారం.ఈ ప్రమాదంలో తీవ్రంగా గాయపడిన ఐలమ్మను హనుమకొండ ఆసుపత్రికి తరలించగా చికిత్స పొందుతూ మృతి చెందింది. మరో ఏడుగురికి గాయాలయ్యాయి. బాధితుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.