వనపర్తి జిల్లా ప్రతినిధి తెలంగాణ ముచ్చట్లు:
వనపర్తి జిల్లా పానుగల్ మండలంలోని మహమ్మదాపూర్ గ్రామంలో ఎస్సీ మహాదిగలకు స్మశాన వాటిక లేక చాలా సంవత్సరాల నుండి తీవ్రమైన అవస్థలు పడుతూ సమస్యను ఎదుర్కొంటున్నారు.కాలనీలో ఎవరు మరణించిన స్మశాన వాటిక వెళ్లే దారి సరిగా లేకపోవడం వల్ల తాత్కాలికమైన రోడ్డు మార్గాన్ని సరిచేసుకుంటూ దహన కార్యక్రమాలను నిర్వహించుకుంటున్నారు,ప్రతి సందర్భంలో ఈ విధంగానే ఇబ్బందులు పడుతున్నామని గ్రామస్తులు వాపోతున్నారు. ఇట్టి విషయంపై అనేకసార్లు అధికారులకు విజ్ఞాపన పత్రాలు అందించిన స్పందించలేదు. ఇకపై అయినా ఇట్టి విషయాన్ని పరిష్కరించాలని గ్రామస్తులు ప్రభుత్వాన్ని,ప్రజాప్రతినిధులను వేడుకుంటున్నారు.
Comments