- దమ్మపేటలో జయంతి వేడుకలు.
- చిత్రపటానికి నివాళి.
దమ్మపేట, జూన్ 27 (తెలంగాణ ముచ్చట్లు):
దమ్మపేట మండల సమాఖ్య ఆధ్వర్యంలో మదర్ థెరీసా దివ్యాంగుల పునరావాస సేవల కేంద్రంలో హెలెన్ కెల్లర్ జయంతి వేడుకలను శనివారం నిర్వహించారు. మండల సమాఖ్య ప్రతినిధులు, గ్రామ సంఘాల సభ్యులు, వివిధ గ్రామాల దివ్యాంగుల సంఘాల ప్రతినిధులు కార్యక్రమంలో పాల్గొన్నారు. ఈ సందర్భంగా హెలెన్ కెల్లర్ జీవిత విశేషాలను, దివ్యాంగుల హక్కులు, సంక్షేమం కోసం ఆమె చేసిన కృషిని వక్తలు వివరించారు. ఎన్నో ప్రతికూల పరిస్థితులను అధిగమించి ప్రపంచవ్యాప్తంగా దివ్యాంగులకు స్ఫూర్తిగా నిలిచిన హెలెన్ కెల్లర్ సేవలను కొనియాడారు. అనంతరం ఆమె చిత్రపటానికి పూలమాలలు వేసి ఘనంగా నివాళులర్పించారు. కార్యక్రమంలో మాట, వినికిడి లోపంతో పాటు దృష్టిలోపం ఉన్న చిన్నారులు, వారి తల్లిదండ్రులు ప్రత్యేకంగా పాల్గొన్నారు. దివ్యాంగులకు సమాన అవకాశాలు కల్పించడంలో ప్రతి ఒక్కరూ బాధ్యతగా వ్యవహరించాలని, వారి ప్రతిభను ప్రోత్సహించాల్సిన అవసరం ఉందని వక్తలు పేర్కొన్నారు. కార్యక్రమంలో మండల సమాఖ్య సభ్యులు, గ్రామ సంఘాల ప్రతినిధులు, దివ్యాంగుల సంఘాల నాయకులు తదితరులు పాల్గొన్నారు.
Comments