హసన్ పర్తి,తెలంగాణ ముచ్చట్లు:
కవరేజీ కోసం వెళ్లిన రిపోర్టర్లపై అక్రమ కేసులు పెట్టడం సరికాదని గ్రేటర్ వరంగల్ ప్రెస్ క్లబ్ ఎగ్జిక్యూటివ్ కమిటీ మెంబర్ కందుకూరి సంజీవ్ అన్నారు. మండలంలోని ఎర్రగట్టుగుట్ట క్రాసు రోడ్డులోని తెలంగాణ బాలికల గురుకుల కళాశాల హసన్ పర్తిలో ఇటీవల జరిగిన సెమీ క్రిస్మస్ వేడుకల వివాదంలో కవరేజికి వెళ్లిన ఎలక్ట్రానిక్ మీడియా కెమెరామెన్ దాడి భిక్షపతిని టార్గెట్ చేస్తూ కళాశాల ప్రిన్సిపల్ ఇందుమతి కక్ష్యపూరితంగా మొదటి నిందితుడిగా హసన్ పర్తి పోలీసు స్టేషన్ లో ఫిర్యాదు చేయడాన్ని ఆయన తీవ్రంగా ఖండించారు. పోలీసులు కూడా అక్కడ జరిగిన ఘటనపై విచారించి కవరేజీలో కెమెరామెన్ పాత్ర ఏంటని దర్యాప్తు చేయకుండా బాధితురాలు ఇచ్చిన ఫిర్యాదు అంశాలలో సత్యాసత్యాలను పరిగణనలోకి తీసుకోకుండా ఇలా కేసులు నమోదు చేయడంపై పునరాలోచన చేసి కెమెరామెన్ పై పెట్టిన కేసును ఎత్తివేయాలని స్థానిక పోలీసు ఇన్ స్పెక్టర్ ను కోరడం జరిగింది. ఈ సందర్భంగా ఇన్ స్పెక్టర్ వట్టే చేరాలును కలిసిన వారిలో ఈసీ మెంబర్ కందుకూరి సంజీవ్ తో పాటు బాధితుడు దాడి భిక్షపతి, మీడియా ప్రతినిధులు ఉన్నారు.
Comments