బతుకమ్మ లేకుండా తెలంగాణ తల్లి విగ్రహమా ?

టిఆర్ఎస్ యువ నాయకుడు పోలిశెట్టి ప్రతాప్

వనపర్తి జిల్లా ప్రతినిధి, తెలంగాణ ముచ్చట్లు:

 బతుకమ్మ లేకుండా తెలంగాణ తల్లి ఏర్పాటు చేయడం తెలంగాణ ఆడబిడ్డలను అవమానించే విధంగా ఉందని బిఆర్ఎస్ యువ నాయకుడు మళ్లీ దశ తెలంగాణ ఉద్యమకారుడు పోలిశెట్టి ప్రతాప్ ఆదివారం ఒక ప్రకటనలో విమర్శించారు. పోలిశెట్టి ప్రతాప్ మాట్లాడుతూ.. పోరాటంలో గమ్యాన్ని ముద్దాడడం  ఎంత ముఖ్యమో ముద్దాడిన గమ్యాన్ని పది తరాలకు అందేలా కాపాడడం అంతే ముఖ్యం. పోరాటంలో ఓడిన శత్రువు ఎప్పుడు మనం అందుకున్న గమ్యాన్ని అస్థిరపరిచే కుట్ర చేస్తూనే ఉంటాడు. మన వేలుతో మన కన్ను పొడిచే ప్రయత్నం చేస్తూ ఉంటాడు.మనోడికి కత్తి ఇచ్చి మనల్ని చంపే కుట్ర చేస్తూ ఉంటాడు. ఇప్పుడు తెలంగాణ తల్లి మార్పు కూడా అలాంటిదే అవమానాలు, అవహేళనలు,అణచివేతలు అన్నిటిని తట్టుకుని నిలబడ్డ తెలంగాణ ను ఓర్చుకోలేక,మనలో భాగంగా మనలో ఒకరిగా ఉంటూ సమైఖ్య శక్తులు చేసే కుట్రనే ఇవ్వాళ తెలంగాణ అస్థిత్వాన్ని కనుమరుగు చేసే చర్యలు తెలంగాణ బతుకులో భాగమైన బతుకమ్మను తెలంగాణ తల్లి నుంచి తొలగించడం దేనికి ప్రామాణికం కిరీటాలు వజ్ర వైడూర్యాలతో ఉన్న తెలుగుతల్లి తల్లి అయినప్పుడు కిరీటాలు, నగలతో ఉండే తెలంగాణ తల్లి తల్లి కాదా ?ఆంద్రబాబుల శిష్యుడిగా రేవంత్ రెడ్డి చేస్తున్న వికృత క్రీడను ఆహా ఓహో అంటూ కీర్తిస్తున్న ఆంధ్ర విష పత్రికలు ఏం చెబుతున్నాయి ?పిచ్చోళ్ళరా మీరు సాధించుకున్నది రాష్ట్రాన్ని మాత్రమే అడుగడుగునా మా ఆధిపత్య జాడలు మీ వెన్నంటే ఉన్నాయి చెప్పకనే చెబుతున్నాయి.జాగో తెలంగాణ భవిష్యత్తు తరాలకు మన చరిత్ర మనం చెప్పుకోకపోతే మన పుట్టుక కూడా ఒక ప్రశ్నగా మిగిలిపోయే అవకాశం ఉంది.రాష్ట్ర సాధన కోసం ఆనాడు రోడ్డెక్కిన ప్రతి బిడ్డ మన అస్తిత్వం కోసం గొంతు విప్పాల్సిన అవసరం ఉంది.