హైదరాబాద్:
తెలంగాణ ఉద్యమంలో ప్రముఖ పాత్ర పోషించిన పిడమర్తి రవిని దళిత సంఘాల నాయకులు గురువారం హైదరాబాద్ లో మర్యాద పూర్వకంగా కలిశారు. ఎస్సి కార్పొరేషన్ మాజీ చైర్మన్గా సేవలందించిన రవిని మాదిగ హక్కుల పరిరక్షణ సమితి వ్యవస్థాపక అధ్యక్షుడు మైస ఉపేందర్ నేతృత్వంలో పలువురు నాయకులు కలిసి అభినందనలు తెలిపారు.
ఈ సందర్భంగా పిడమర్తి రవి తెలంగాణ రాష్ట్రంలో దళితుల హక్కుల సాధన కోసం చేపట్టాల్సిన చర్యలపై అభిప్రాయాలు పంచుకున్నారు. దళితుల అభివృద్ధికి ప్రభుత్వం అందిస్తున్న వనరులను సమర్థవంతంగా వినియోగించుకోవాల్సిన అవసరాన్ని నాయకులు ఈ సందర్భంగా ప్రస్తావించారు.
ఆయనను కలిసినవారిలో దంతూరి చంద్రశేఖర్, కిషన్, బాలునాయక్, రవిచందర్, సుమన్, రాజేష్ తదితరులు పాల్గొన్నారు.
Comments