హైదరాబాద్:
తెలంగాణలో స్థానిక ఎన్నికల ప్రక్రియకు శ్రీకారం చుట్టబడింది. రాష్ట్ర ఎన్నికల సంఘం ఎంపీటీసీ, జడ్పీటీసీ, గ్రామ పంచాయతీ ఎన్నికల షెడ్యూల్ను ప్రకటించింది. ఈసారి ఎన్నికలు ఐదు దశల్లో నిర్వహించనున్నట్లు ప్రధానాధికారి రాణికుముదిని తెలిపారు.
అక్టోబర్ 9 నుంచి నామినేషన్లు స్వీకరించనున్నట్లు ఎస్ఈసీ స్పష్టం చేసింది. అక్టోబర్ 23న తొలి విడత, 27న రెండో విడత ఎంపీటీసీ, జడ్పీటీసీ ఎన్నికల పోలింగ్ జరగనుంది. గ్రామ పంచాయతీ ఎన్నికలు మూడు విడతల్లో జరుగనున్నాయి. అక్టోబర్ 31న తొలి విడత, నవంబర్ 4న రెండో విడత, నవంబర్ 8న మూడో విడతగా పోలింగ్ నిర్వహించనున్నారు.
గ్రామ పంచాయతీ ఓట్ల లెక్కింపు అదే రోజు జరుగుతుందని ఎన్నికల సంఘం ప్రకటించింది. ఎంపీటీసీ, జడ్పీటీసీ ఎన్నికల ఓట్ల లెక్కింపు నవంబర్ 11న నిర్వహించనున్నారు.
Comments