పెద్దమందడి,జనవరి16(తెలంగాణ ముచ్చట్లు):
పెద్దమందడి మండలం మద్దిగట్ల గ్రామంలో సంక్రాంతి పండుగ సందర్భంగా నిర్వహించిన ముగ్గుల పోటీలలో పాల్గొని ప్రతిభ కనబరిచిన మహిళలకు బహుమతుల ప్రదాన కార్యక్రమం ఘనంగా నిర్వహించారు. ఈ కార్యక్రమంలో మద్దిగట్ల గ్రామ సర్పంచ్ మేకల రాములు ముఖ్య అతిథిగా హాజరై ముగ్గుల పోటీల విజేతలకు బహుమతులు అందజేశారు. ముగ్గుల పోటీలను విజయవంతం చేయడంలో భాగస్వాములైన మహిళలకు, నిర్వాహకులకు ఆయన ప్రత్యేక కృతజ్ఞతలు తెలిపారు. సాంస్కృతిక సంప్రదాయాలను కాపాడుతూ గ్రామ ఐక్యతను పెంపొందించిన ఈ ముగ్గుల పోటీలు భవిష్యత్తులో కూడా ఇలాగే కొనసాగాలని గ్రామస్తులు ఆకాంక్షించారు. ఈ కార్యక్రమంలో గ్రామ పెద్దలు, యువకులు మహిళలు పెద్ద ఎత్తున పాల్గొన్నారు.
Comments