కాప్రా, జనవరి 13 (తెలంగాణ ముచ్చట్లు):
ఉప్పల్ నియోజకవర్గ పరిధిలోని కాప్రా గాంధీ నగర్లో తెలంగాణ ముచ్చట్లు 2026 సంవత్సర క్యాలెండర్ను ఉప్పల్ నియోజకవర్గ కాంగ్రెస్ పార్టీ ఇంచార్జ్ మందమూల పరమేశ్వర్ రెడ్డి చేతుల మీదుగా ఘనంగా ఆవిష్కరించారు.ఈ సందర్భంగా ఆయన మాట్లాడుతూ తెలంగాణ ముచ్చట్లు ప్రజా సమస్యలు, సామాజిక అంశాలు, ప్రభుత్వ కార్యక్రమాలను ప్రజల వరకు సమర్థవంతంగా చేరవేస్తూ విశేష సేవలు అందిస్తున్నదని ప్రశంసించారు. ప్రజలకు అవసరమైన సమాచారాన్ని నిజాయితీగా అందించడంలో మీడియా కీలక పాత్ర పోషిస్తోందని తెలిపారు.
కాంగ్రెస్ ప్రభుత్వం చేపడుతున్న సంక్షేమ పథకాలు, అభివృద్ధి కార్యక్రమాలు ప్రతి ఒక్కరికీ చేరాలంటే ఇలాంటి మీడియా సంస్థల సహకారం ఎంతో అవసరమని ఆయన పేర్కొన్నారు. తెలంగాణ ముచ్చట్లు సంస్థ మరింత ముందుకు సాగి ప్రజల ఆదరణ పొందాలని ఆకాంక్షించారు.
ఈ కార్యక్రమంలో స్థానిక కాంగ్రెస్ నాయకులు, కార్యకర్తలు, తెలంగాణ ముచ్చట్లు ప్రతినిధులు, కాలనీ వాసులు పాల్గొని క్యాలెండర్ ఆవిష్కరణ కార్యక్రమాన్ని విజయవంతం చేశారు.
Comments