మందకృష్ణ మాదిగను కలిసిన  మాల దాసరి సంక్షేమ సంఘం నాయకులు 

-మాల దాసరిలను గ్రూప్ 1 లో చేర్చేందుకు కృషి చేయాలనీ వినతి 

-మాల దాసరిల వర్గీకరణపై చర్చ

హైదరాబాద్,తెలంగాణ ముచ్చట్లు:
మాల దాసరి (హరిదాసుల)వర్గీకరణపై ప్రభుత్వం తక్షణ నిర్ణయం తీసుకునేలా కృషి చేయాలనీ తెలంగాణ రాష్ట్ర మాల దాసరి సంక్షేమ సంఘం కమిటీ సభ్యులు శనివారం మందకృష్ణ మాదిగను కలిసి విన్నవించారు. మాల దాసరి కుటుంబాలు ఎదుర్కొంటున్న సమస్యలను, రిజర్వేషన్ మార్పుల వల్ల వారి హక్కులు కష్టతరమవుతున్నాయని వారికీ సంఘ నాయకులు వివరించారు.

ఈ సందర్భంగా మాల దాసరి వర్గీకరణపై స్పష్టత ఇచ్చి, హరిదాసులను గ్రూప్-1లో చేర్చేలా ప్రభుత్వం చర్యలు తీసుకోవాలని సంఘం సభ్యులు డిమాండ్ చేశారు. ప్రభుత్వం వెంటనే స్పందించకపోతే ఉద్యమాన్ని మరింత ఉద్ధృతం చేస్తామని హెచ్చరించారు.

ఈ చర్చలో తెలంగాణ రాష్ట్ర మాల దాసరి సంక్షేమ సంఘం కమిటీ సభ్యులు పాల్గొని మంద కృష్ణతో చర్చించారు. ఈ సమావేశాన్ని విజయవంతం చేసిన సంఘ నాయకులకి  స్టేషన్‌ ఘన్‌పూర్ మాల దాసరి సంక్షేమ సంఘం తరఫున ధన్యవాదాలు తెలిపారు.
 
ఈ కార్యక్రమంలో రాష్ట్ర అధ్యక్షులు రేండ్ల సోమయ్య,రాష్ట్ర ప్రధాన కార్యదర్శి పేరుపల్లి ఐలయ్య,
ఉపాధ్యక్షులు ఘనసాల కోటయ్య,రేండ్ల యాదగిరి,
తెలకలపల్లి సమ్మయ్య,కోశాధికారి రేండ్ల శ్రీనివాస్, కొవ్వాకుల శ్రీనివాస్ తదితరులు పాల్గొన్నారు.