వాటర్ హీటర్ షాక్... వ్యక్తి మృతి!

తెలంగాణ ముచ్చట్లు డెస్క్:

నిజామాబాద్ జిల్లా మహమ్మద్ నగర్ మండలంలోని తుంకిపల్లి గ్రామానికి చెందిన రౌతు సాయిలు హైదరాబాద్‌ వెళ్ళే క్రమంలో స్నానానికి బకెట్‌లో వాటర్‌ హీటర్‌ పెట్టారు. కాసేపు తర్వాత నీళ్ళు వేడెక్కాయో లేదో చూడ్డానికి, హీటర్‌‌ను బయటకు తీసేందుకు ప్రయత్నించారు. ఈ క్రమంలో ఆయనకు కరెంట్ షాక్ తగిలి అక్కడికక్కడే మృతిచెందారు. స్థానికుల సమాచారంలో పోలీసులు ఘటనాస్థలానికి చేరుకుని పరిశీలించారు.