లయన్స్ క్లబ్ ఆధ్వర్యంలో మెగా హెల్త్ క్యాంప్

ప్రారంభించిన ఎమ్మెల్యే డా. వివేక్ వెంకటస్వామి

చెన్నూరు, తెలంగాణ ముచ్చట్లు:

చెన్నూరు పట్టణంలోని మైనారిటీ ఫంక్షన్ హాల్‌లో లయన్స్ క్లబ్ ఆఫ్ రామగుండం ఆధ్వర్యంలో నిర్వహించిన మెగా హెల్త్ క్యాంప్‌ను చెన్నూరు ఎమ్మెల్యే డా. వివేక్ వెంకటస్వామి ఘనంగా ప్రారంభించారు. ఈ సందర్భంగా ఆయన మాట్లాడుతూ, “ఆరోగ్యమే మహాభాగ్యం” అనే సందేశంతో ప్రజలకు మెరుగైన వైద్య సేవలు అందించడమే తమ లక్ష్యమని తెలిపారు.

తనకు కూడా లయన్స్ క్లబ్‌లో సభ్యత్వం ఉన్నట్లు గుర్తు చేసుకున్న ఎమ్మెల్యే, క్లబ్‌ సభ్యులతో కలిసి సమాజానికి సేవ చేయడం గర్వంగా అనిపిస్తుందని అన్నారు. ప్రజల ఆరోగ్య రక్షణ కోసం ఇలాంటి సేవా కార్యక్రమాలు నిరంతరం కొనసాగించాల్సిన అవసరం ఉందని ఆయన అభిప్రాయపడ్డారు.

ఈ కార్యక్రమంలో లయన్స్ క్లబ్ సభ్యులు, వైద్య నిపుణులు, ప్రజాప్రతినిధులు మరియు స్థానికులు పాల్గొన్నారు.