అశ్వారావుపేట, అక్టోబర్ 18 (తెలంగాణ ముచ్చట్లు):
అశ్వారావుపేట నియోజకవర్గంలోని ములకలపల్లి మండల కేంద్రంలో ప్రభుత్వ జూనియర్ కళాశాలను ఎమ్మెల్యే జారె ఆదినారాయణ శనివారం సందర్శించారు. విద్యార్థులు ఎదుర్కొంటున్న సమస్యలను పరిశీలించి, త్వరలోనే అవసరమైన వసతి సదుపాయాలు కల్పించి ఎలాంటి అసౌకర్యం లేకుండా చూస్తామని హామీ ఇచ్చారు.
మండలంలో క్రీడా అభివృద్ధి కోసం మినీ స్టేడియం ఏర్పాటు చేయాలని సంకల్పించారని తెలిపారు. ఈ సందర్భంగా మండల అధికారులు, ప్రజాప్రతినిధులు, కాంగ్రెస్ నాయకులతో కలిసి అనువైన స్థలాన్ని పరిశీలించారు.
విద్యా, క్రీడా రంగాలను సమపాళ్లలో అభివృద్ధి చేసి యువతకు మంచి అవకాశాలు కల్పించడమే తన ధ్యేయమని ఎమ్మెల్యే జారె ఆదినారాయణ తెలిపారు.
Comments