ప్రేమ శిఖరాలు"""
"""ప్రేమ శిఖరాలు"""
జీవితంలో నువ్వు కొని కట్టుకున్న కొత్త వస్త్రాలకంటే
నా చదువుల అప్పుకు కట్టిన వడ్డీ పొట్లాలే ఎక్కువ నాన్న
ఆప్తుడు ఇచ్చే అప్పుకోసం
అర్ధాకలితో కంచంలో కడిగేసిన నీ చెయ్యి
పరుగు పెట్టిన నీ కాళ్ళకు నే చేసే వందనం ఏ దేవుడి సాష్టాంగ నమస్కారానికి సమానం నాన్న
ప్రక్కటెముకలు పిక్కటిల్లే పురిటినొప్పుల సాహసం
నా తొలి అడుగు కోసం తపించి వెదకిన నీ కనుల చల్లని చూపు
తప్పటడుగులో తల్లడిల్లి అన్ని వైపుల అండగా నిలిచిన నీ అభయహస్తం
ఏ దేవత ప్రదక్షిణల నుండి పొందగలను అమ్మ
తప్పుడడుగులో క్షమించి సరిచేసిన షరతులు లేని మీ ప్రేమ
నా అనారోగ్యంలో అలసిపోక ఆదరించిన మీ దయకు
భువిపై ఏ దేవీ దేవతలు కొలువుండే శిఖరాలు సమానం కాగలవు అమ్మా నాన్న.
నా తల్లి తండ్రులు నేపా బేబీ సత్యనారాయణ గారికి అందరి తల్లి తండ్రులకు ప్రేమతో.....
నేపా సంతోష్ అచ్యుత్ కుమార్ అసిస్టెంట్ ప్రొఫెసర్, కాళోజీ ప్రతిభా పురస్కార గ్రహీత.8639442397.


Comments