దీక్షా దివస్ స్ఫూర్తి సభకు చొప్పదండి నుంచి వేలాదిగా తరలిరావాలి.
*ఈ నెల 29న అలుగునూరులో సభ.*
*దీక్షా దివస్తో తెలంగాణ ప్రజలను ఏకం చేసిన వ్యక్తి కేసీఆర్.*
*ముఖ్య అతిథిగా బీఆర్ఎస్ వర్కింగ్ ప్రెసిడెంట్ కేటీఆర్:మాజీ ఎమ్మెల్యే సుంకె రవిశంకర్.*
చొప్పదండి, నవంబర్ 16(తెలంగాణ ముచ్చట్లు):
తెలంగాణ రాష్ట్ర సాధన కోసం కేసీఆర్ చేపట్టిన ఆమరణ నిరాహార దీక్షకు గుర్తుగా ఈ నెల 29న నిర్వహించనున్న దీక్షా దివస్ స్ఫూర్తి సభను విజయవంతం చేయాలని చొప్పదండి మాజీ ఎమ్మెల్యే సుంకె రవిశంకర్ పిలుపునిచ్చారు.
బీఆర్ఎస్ వర్కింగ్ ప్రెసిడెంట్ కేటీఆర్ ఆదేశాల మేరకు ఈ నెల 29న కరీంనగర్ జిల్లా అలుగునూరులో నిర్వహించే దీక్షా దివస్ స్ఫూర్తి సభకు చొప్పదండి నియోజకవర్గం నుంచి వేలాదిగా ప్రజలను తరలించడమే లక్ష్యంగా నాయకులు, కార్యకర్తలు పనిచేయాలని సూచించారు. ఈ సభకు ముఖ్య అతిథిగా బీఆర్ఎస్ వర్కింగ్ ప్రెసిడెంట్ కేటీఆర్ హాజరుకానున్నట్లు తెలిపారు.
ఈ మేరకు గంగాధర మండలం బూరుగుపల్లిలోని బీఆర్ఎస్ పార్టీ కార్యాలయంలో నియోజకవర్గ బీఆర్ఎస్ నాయకులు, ముఖ్య కార్యకర్తలతో సమావేశం నిర్వహించి సభ విజయవంతానికి చేపట్టాల్సిన కార్యాచరణపై దిశానిర్దేశం చేశారు.


Comments