పేదలకు ఉచిత కంటి వైద్య సేవలు అందించడం అభినందనీయం.
పలుస శంకర్ గౌడ్, జిల్లా సాహితీ కళావేదిక అధ్యక్షులు.
వనపర్తి,నవంబర్16(తెలంగాణ ముచ్చట్లు):
కంటిచూపు సమస్యలను నిర్లక్ష్యం చేయకుండా ప్రతి ఒక్కరూ సమయానికి కంటి పరీక్షలు చేయించుకోవాలని సాహితీ కళావేదిక జిల్లా అధ్యక్షుడు పలుస శంకర్ గౌడ్ సూచించారు.వనపర్తి పట్టణంలోని గాంధీ చౌక్లో ఉన్న వనితా జ్యోతి మహిళా సంఘం కార్యాలయం వద్ద లైఫ్ క్యూర్ మల్టీ స్పెషాలిటీ ఆసుపత్రి, హైదరాబాద్ వారి సహకారంతో ఉచిత కంటి వైద్య శిబిరాన్ని ఘనంగా నిర్వహించారు.ఈ శిబిరానికి పలుస శంకర్ గౌడ్ హాజరై వైద్య సేవలందించిన వారిని శాలువాతో సత్కరించారు. ఈ సందర్భంగా ఆయన మాట్లాడుతూ పేద ప్రజలకు ఉచితంగా కంటి పరీక్షలు నిర్వహించి వైద్య సేవలు అందించడం అభినందనీయమని అన్నారు. డాక్టర్ ఎ.కె. ఖమర్రహమాన్ వనితా జ్యోతి మహిళా సంఘం ద్వారా అనేక సామాజిక సేవా కార్యక్రమాలు చేపడుతూ పేద ప్రజలకు అండగా నిలవడం ప్రశంసనీయమని కొనియాడారు.వనితా జ్యోతి మహిళా సంఘం తెలంగాణ స్వచ్ఛంద సంస్థ ముఖ్య కార్యనిర్వాహకులు డాక్టర్ ఎ.కె. ఖమర్రహమాన్ ఆధ్వర్యంలో నిర్వహించిన ఈ శిబిరంలో సుమారు 50 మంది ఉచితంగా కంటి పరీక్షలు చేయించుకున్నారు.ఈ కార్యక్రమంలో బండారు శ్రీనివాస్, సోహెల్, చిట్టెమ్మ, రహమాన్, ఆసుపత్రి వైద్య బృందానికి చెందిన డాక్టర్ సయ్యద్ అహ్మద్ హుస్సేన్, సయ్యద్ ఫజల్ హుస్సేన్, సుహానా పర్వీన్, మహజబీన్, ఆయేషా జబీన్, స్థానిక నాయకులు, ప్రజలు పాల్గొన్నారు.


Comments