సత్తుపల్లి, తెలంగాణ ముచ్చట్లు:
శ్రీ కృష్ణ జన్మాష్టమి పర్వదిన సందర్భంగా స్థానిక జవహర్ నగర్ లోని రుక్మిణీ సత్యభామా సమేత కృష్ణాలయంలో శనివారం విద్యార్థులకు క్విజ్, శ్రీకృష్ణ వేషధారణ పోటీలు నిర్వహించారు. శ్రీ కృష్ణుని జీవిత చరిత్రపై జరిగిన క్విజ్ లో ప్రధమ, ద్వితీయ, తృతీయ బహుమతులను టాలెంట్ స్కూల్, విశ్వశాంతి విద్యాలయం, జిల్లా పరిషత్ ఎన్టీఆర్ నగర్ ఉన్నత పాఠశాల గెలుచుకున్నారు. శ్రీ కృష్ణ వేషధారణలో చిన్నారులు విలాసకవి నిహిర, జి.జోవిత, బి.భవిష్య ప్రధమ, ద్వితీయ, తృతీయ బహుమతులను అందచేశారు.
విజేతలకు సత్తుపల్లి శాసన సభ్యురాలు మట్టా రాగమయి దయానంద్ బహుమతులు అందచేశారు. విశ్వశాంతి విద్యాలయం విద్యార్థుల కోలాట ప్రదర్శన ఆహూతులను అలరించింది. ఈ సందర్భంగా ఎమ్మెల్యే నిర్వాహకులను అభినందించి సత్కరించారు. కార్యక్రమంలో సత్తుపల్లి మార్కెట్ కమిటీ చైర్మన్ దోమ ఆనంద్ బాబు, 
చల్లగుళ్ళ నరసింహారావు, తోట సుజలరాణి, ఆలయ కమిటీ నిర్వాహకులు పాల్గొన్నారు.
Comments