కుల కట్టుబాట్లతో ప్రేమని చంపారు,ఇక చాలు,ప్రేమికుల రక్తం తడవని నేల కావాలి,
మత విద్వేషాలతో మమతని చంపారు,ఇక చాలు,మనుషుల ఉనికిని కాపాడే చదువు కావాలి,
కార్మికుడి చెమటని దోచుకోవడమే రాజకీయపు కీర్తి అన్నారు,ఇక చాలు,అట్టడుగువాడి చేతిని పట్టిలేపే నాయకత్వపు స్పూర్తి కావాలి,
ఆడపిల్ల కప్పుకోవడమే దేశప్రకృతి అన్నారు,ఇక చాలు,స్వేచ్ఛని సమానంగా పంచుకునే ప్రగతి కావాలి.
పేగులు కాలినచోటే కడుపు నిండాలి,
కన్నీళ్ళు రాలినచోటే ఆశ మొలకెత్తాలి,
పుర్రె పగిలినచోటే పరిమళం వెదజల్లాలి ,
పారాణి పారినచోటే పద్మము వికసించాలి.
ఆఖరిగా,చివరాఖరిగా ధ్వంసమైనచోటే స్వేచ్ఛ ఉదయించాలి.
ఇది వేదన కాదు ఘర్జన.
✍️విజయ్ కర్నాటి
Latest News
10 Mar 2026 21:33:53
కీసర, మార్చి 10 (తెలంగాణ ముచ్చట్లు):
మేడ్చల్–మల్కాజిగిరి జిల్లాలోని కీసర సర్కిల్ పరిధిలో ఇళ్లలో వరుసగా జరుగుతున్న చోరీల కేసులను పోలీసులు ఛేదించారు. ఈ కేసుల్లో ప్రమేయం...
Comments