సత్తుపల్లి, సెప్టెంబర్ 19 (తెలంగాణ ముచ్చట్లు):
సత్తుపల్లి మండలం, గంగారం గ్రామంలో పి.ఏ.సి.ఎస్ సొసైటీ సీఈఓగా దాదాపు 37 ఏళ్లపాటు రైతులకు అంకితభావంతో సేవలందించిన చీపు వీరస్వామికి శుక్రవారం స్థానిక సొసైటీ కార్యాలయంలో ఘనంగా వీడ్కోలు కార్యక్రమం నిర్వహించారు.
ఇటీవల జరిగిన బదిలీల కారణంగా ఆయన ఇకపై సత్తుపల్లి సొసైటీ బాధ్యతలు స్వీకరించనున్న నేపథ్యంలో రైతులు, సూపర్ స్టార్ కృష్ణ–మహేష్ అభిమానులు కలిసి ఆయనకు సన్మానం చేశారు. ఈ సందర్భంగా రైతులు మాట్లాడుతూ,
రైతుల్లో ఒకరిగా మాతో కలిసిపోతూ, ఎప్పటికప్పుడు సహాయం చేసిన వీరస్వామి సేవలు మరువలేనివి. ఆయన మరింత ఉన్నత స్థానాలకు ఎదగాలని కోరుకుంటున్నాం అని పేర్కొన్నారు.
కార్యక్రమంలో సూపర్ స్టార్ కృష్ణ మహేష్ ఫాన్స్ డివిజన్ అధ్యక్షులు కోటమర్తి వెంకటేశ్వరరావు, చల్లారి సత్యన్నారాయణ, బండారి మారేశ్వరరావు, ఊకే కన్నారావు, గండ్ర లోకేష్ రెడ్డి, మందపాటి నర్సారెడ్డి, మందపాటి రాజశేఖర్ రెడ్డి తదితరులు పాల్గొన్నారు.
Comments