కుషాయిగూడ డివిజన్ పేరు అధికారికంగా ప్రకటించిన

గ్రామస్తులు ఆనందోత్సాహాలు బాణాసంచా కాల్చి సంబరాలు

కుషాయిగూడ, (తెలంగాణ ముచ్చట్లు):

ఉప్పల్ నియోజకవర్గం కాప్రా సర్కిల్ కుషాయిగూడ డివిజన్ పేరును అధికారికంగా ఖరారు చేయడంతో కుషాయిగూడ గ్రామస్తులు ఆనందోత్సాహాలు వ్యక్తం చేశారు. ఈ సందర్భంగా కుషాయిగూడ బస్‌స్టాప్‌ వద్ద కుషాయిగూడ అసోసియేషన్ ఆధ్వర్యంలో గ్రామస్తులు, కుషాయిగూడకు చెందిన వివిధ కాలనీల సభ్యులు కలిసి ఘనంగా సంబరాలు నిర్వహించారు.డివిజన్ పేరు ఖరారు కావడం చారిత్రాత్మక ఘట్టమని పేర్కొంటూ బాణాసంచా కాల్చి, ఒకరికొకరు స్వీట్లు తినిపించుకుంటూ ఆనందం పంచుకున్నారు. కుషాయిగూడకు ప్రత్యేక గుర్తింపు లభించిందని, భవిష్యత్తులో అభివృద్ధి పనులకు మరింత ఊతం లభిస్తుందని ఈ సందర్భంగా పలువురు అభిప్రాయపడ్డారు.ఈ కార్యక్రమంలో కుషాయిగూడ అసోసియేషన్ సభ్యులు, గ్రామ పెద్దలు, యువకులు, మహిళలు పెద్ద సంఖ్యలో పాల్గొని సంబరాలను మరింత ఉత్సాహభరితంగా నిర్వహించారు. IMG-20251226-WA0018