వనపర్తి, ఆగస్టు 21(తెలంగాణ ముచ్చట్లు):
ప్రజా సమస్యల పరిష్కారం కోసం ఎల్లప్పుడూ ముందుండి పోరాడుతున్న అఖిలపక్ష ఐక్యవేదిక అధ్యక్షుడు సతీష్ యాదవ్కు డాక్టరేట్ బిరుదు లభించడం వనపర్తికి గర్వకారణంగా నిలిచింది.
ఈ సందర్భంగా వనపర్తి పట్టణంలో ఆయన నివాసంలో అంతర్జాతీయ మానవ హక్కుల సంస్థ తరఫున శాలువాతో సన్మానం చేశారు. ఈ కార్యక్రమంలో స్టేట్ సెక్రటరీ జి.టి. శ్యామ్, జిల్లా అధ్యక్షుడు సి. విశ్వం బాబు, జిల్లా ఉపాధ్యక్షుడు గద్వాల ఆంజనేయులు, జిల్లా జనరల్ సెక్రటరీ గొర్ల శైలన్ కుమార్ పాల్గొన్నారు.అదే విధంగా, పలు సంఘాల నాయకులు, మిత్రులు, ఆప్తులు కూడా విడివిడిగా సతీష్ యాదవ్ను సన్మానం చేశారు. ఆయన ఎన్నో సంవత్సరాలుగా స్వప్రయోజనాల కోసం కాకుండా ప్రజాసేవ చేస్తూ వచ్చినందుకు ఈ గౌరవం ఒక కలికితురాయని, ప్రజల కోసం చేస్తున్న కష్టానికి ఇది ఒక చిన్న కానుక అని ఎస్.ఎల్.ఎన్. రమేష్, బి సి నాయకురాలు మధులత దంపతులు పేర్కొన్నారు.
భవిష్యత్తులో సతీష్ యాదవ్ మరిన్ని మెట్లు ఎక్కి సమాజ సేవలో మరింత బలాన్ని అందుకోవాలని ఆశాభావం వ్యక్తం చేశారు.
Comments