మేడ్చల్, నవంబర్ 10 (తెలంగాణ ముచ్చట్లు):
మధ్యాహ్న భోజన పథకానికి ప్రభుత్వం సరఫరా చేస్తున్న బియ్యంలో పురుగులు, దుమ్ము, చెత్త కలిసివున్నట్లు మేడ్చల్ జిల్లా వ్యాప్తంగా కార్మికులు ఆరోపించారు.
ఇలాంటి నాసిరకమైన బియ్యంతో విద్యార్థులకు భోజనం వండితే వారి ఆరోగ్యానికి ముప్పు వాటిల్లుతుందని తెలంగాణ మధ్యాహ్న భోజన పథకం కార్మికుల యూనియన్ (సిఐటియు) మేడ్చల్ జిల్లా అధ్యక్షుడు ఉన్నికృష్ణన్ హెచ్చరించారు.“విద్యార్థులు అనారోగ్యానికి గురైతే దానికి బాధ్యత ఎవరి మీద?” అని ఆయన ప్రశ్నించారు. తక్షణమే నాణ్యమైన బియ్యం సరఫరా చేయాలని, ఈ నిర్లక్ష్య వైఖరి కొనసాగితే జిల్లా స్థాయిలో నిరసనలు చేపడతామని హెచ్చరించారు.ప్రభుత్వం విద్యార్థుల ఆరోగ్యం పట్ల చిత్తశుద్ధితో వ్యవహరించాలని ఉన్నికృష్ణన్ డిమాండ్ చేశారు.
Comments