నా సజీవ మరణ కృతజ్ఞత లేఖ

నా సజీవ మరణ కృతజ్ఞత లేఖ

జీవితంలో మీ అందరితో మాట్లాడలేకపోయిన ఒక్క మాట ఉందంటే, అది నా మరణానంతరం వ్యక్తమయ్యే కృతజ్ఞత. నేను ఈ ప్రపంచాన్ని వీడిన రోజున, మీ అందరికి కన్నీరు రావొచ్చు. ఆ కన్నీరు కొందరికి నా గమనం పట్ల బాధతో, మరి కొందరికి సంతోషంతో ఉన్న ఆనందభాష్పాలుగా ఉండొచ్చు.

ఆ రోజున నా దేహం దగ్గరకు వచ్చి చూసిన వారిని పలకరించే అవకాశం నాకుండదు. రాని వారిని ఎందుకు రాలేదని అడిగే హక్కు కూడా నాకుండదు. నా దేహాన్ని చూడటానికి వచ్చిన వారు, వారు నాపై ప్రేమ చూపారనో, నా వల్ల మేలు అనుభవించారనో భావిస్తాను. వారికి నా హృదయపూర్వక కృతజ్ఞతలు. మరి, రాని వారు, నాపై ద్వేషంతోనో లేదా నా వల్ల జరిగిన అన్యాయంతోనో దూరంగా ఉన్నారని అర్థం చేసుకుంటాను. వారు నేను చేసిన దేనికైనా బాధపడుతూ ఉంటే, వారికి నా ఆత్మార్థక క్షమాపణలు.

నాలుగు దిక్కుల నుండి వచ్చి, నా చివరి ప్రయాణానికి నడిచించే ఆ నలుగురికి, నా శిరస్సు వంచి నమస్కరిస్తున్నాను. నా జీవితంలోని చివరి ప్రయాణంలో, మీరు చూపే శ్రద్ధకూ, అంకితభావానికీ నేను ఎప్పటికీ రుణపడి ఉంటాను.

మరణం జీవితం యొక్క సహజసిద్ధ భాగం. కానీ మరణానంతరం మనం పొందే గుర్తింపు, మనం పొందిన ప్రేమ, మనం చేసిన మేలే మన జీవితం యొక్క అసలైన విలువను నిర్ధారిస్తాయి. నాకు తెలిసిన అందరికీ, నాకు అనుభవం కలిగించిన ప్రతి క్షణానికి, నాకు సహకరించిన ప్రతి వ్యక్తికి నా హృదయపూర్వక కృతజ్ఞతలు.

మీ అందరి ప్రేమ, ద్వేషం, గుర్తింపును ఆశీర్వాదంగా స్వీకరిస్తూ,

మీ ఆత్మ

రచయిత:
హరికుమార్