హనుమకొండ,తెలంగాణ ముచ్చట్లు:
ప్రజావాణి కార్యక్రమంలో అందిన అర్జీలను తక్షణమే పరిష్కరించాలని సంబంధిత శాఖల అధికారులను అదనపు కలెక్టర్ వెంకటరెడ్డి ఆదేశించారు. సోమవారం హనుమకొండ జిల్లా కలెక్టరేట్లో నిర్వహించిన సమావేశంలో ఆయన పాల్గొని ఈ సూచనలు చేశారు.
కార్యక్రమంలో ప్రజలు తమ సమస్యలపై 88 అర్జీలను సమర్పించారు. వాటి పరిష్కారానికి త్వరితగతిన చర్యలు తీసుకోవాలని అధికారులకు సూచిస్తూ, ప్రజల నమ్మకాన్ని నిలబెట్టేలా వ్యవహరించాలని వెంకటరెడ్డి అభిప్రాయపడ్డారు.ఈ సమావేశంలో జిల్లా రెవెన్యూ అధికారి వై.వి. గణేష్, డిఆర్డీవో మేన శ్రీను, హనుమకొండ మరియు పరకాల ఆర్డీఓలు రాథోడ్ రమేష్, డాక్టర్ నారాయణతో పాటు ఇతర జిల్లా ఉన్నతాధికారులు పాల్గొన్నారు.
Comments