జమ్మికుంట టౌన్ జూన్ 07 (తెలంగాణ ముచ్చట్లు):
జమ్మికుంట మండల ఫోటో అండ్ వీడియోగ్రాఫర్స్ అసోసియేషన్ నూతన కమిటీ ప్రమాణ స్వీకారోత్సవం ఆదివారం జమ్మికుంటలోని సాయి గార్డెన్లో ఘనంగా నిర్వహించారు. తెలంగాణ రాష్ట్ర ఫోటో అండ్ వీడియోగ్రాఫర్స్ వెల్ఫేర్ అసోసియేషన్ ప్రధాన కార్యదర్శి సిరి రవి ఆధ్వర్యంలో జరిగిన ఈ కార్యక్రమంలో కరీంనగర్ జిల్లా అధ్యక్షుడు తుమ్మ చందు నూతన కమిటీ సభ్యులతో ప్రమాణ స్వీకారం చేయించారు.
ఈ సందర్భంగా ఎండి ముస్తఫా అధ్యక్షుడిగా, ఎర్రం రాజు మరియు ఎండి అజార్ ఉపాధ్యక్షులుగా, దొడ్డే ఆంజనేయులు ప్రధాన కార్యదర్శిగా, సుంకరి రమేష్ కోశాధికారిగా, దేవరకొండ హరీష్ కార్యదర్శిగా, పొన్నగంటి విజయ్ కార్యవర్గ సభ్యుడిగా బాధ్యతలు స్వీకరించారు.
కార్యక్రమంలో రాష్ట్ర, జిల్లా, జమ్మికుంట మండలంతో పాటు పరిసర మండలాల అధ్యక్షులు, కార్యవర్గ సభ్యులు, ఫోటోగ్రాఫర్లు పెద్ద సంఖ్యలో పాల్గొని నూతన కమిటీకి శుభాకాంక్షలు తెలిపారు. ఈ సందర్భంగా మాజీ అధ్యక్షులు, సీనియర్ ఫోటోగ్రాఫర్లు మరియు తోటి ఫోటోగ్రాఫర్లను ఘనంగా సన్మానించి సత్కరించారు.
అధ్యక్షుడు ఎండి ముస్తఫా మాట్లాడుతూ ఫోటోగ్రఫీ రంగంలో ఉన్న ప్రతి ఒక్కరూ ఐక్యంగా పనిచేయాలని, చిన్నా పెద్దా అనే తేడా లేకుండా సమిష్టిగా కృషి చేస్తూ ఆధునిక సాంకేతిక పరిజ్ఞానాన్ని అందిపుచ్చుకుని ఆర్థికంగా, సాంకేతికంగా అభివృద్ధి చెందాలని పిలుపునిచ్చారు. అలాగే యూనియన్ అభివృద్ధికి అందరూ కలిసి కృషి చేయాలని సూచించారు.
ఈ కార్యక్రమంలో ముఖ్య అతిథులుగా తెలంగాణ రాష్ట్ర ఫోటో అండ్ వీడియోగ్రాఫర్స్ ప్రధాన కార్యదర్శి సిరి రవి, కరీంనగర్ జిల్లా అధ్యక్షుడు తుమ్మ చందు, జిల్లా కోశాధికారి బొంగోని మధుసూదన్ గౌడ్ పాల్గొన్నారు. అలాగే హుజురాబాద్ మండల అధ్యక్షుడు తలకొక్కుల హరిప్రసాద్, వీణవంక మండల అధ్యక్షుడు సంగే మోహన్, కమలాపూర్ మండల అధ్యక్షుడు విడపు ప్రతాప్, ఇల్లంతకుంట మండల అధ్యక్షుడు బోయిని నవీన్ కుమార్ తదితరులు హాజరయ్యారు.
హెడ్లైన్: ఫోటోగ్రాఫర్ల ఐక్యతే లక్ష్యం.. జమ్మికుంట ఫోటో అండ్ వీడియోగ్రాఫర్స్ అసోసియేషన్ నూతన కమిటీ ప్రమాణ స్వీకారం ఘనంగా
Comments