ఖమ్మం బ్యూరో, నవంబర్ 11, తెలంగాణ ముచ్చట్లు;
ఖమ్మం 60వ డివిజన్ రామన్నపేట బొమ్మ స్వామి గుడి లో అయ్యప్ప స్వాముల భక్తి వైభవం కన్నులపండువగా వెల్లివిరిసింది. మండల దీక్షల ముగింపు సందర్భంగా కాలనీలోని బొమ్మ స్వామి గుడి ప్రాంగణంలో ప్రత్యేక పూజలు, అభిషేకాలు, భజన-కీర్తనలు నిర్వహించారు.
అనంతరం మహా అన్నదానం ఏర్పాటు చేశారు. ఈ కార్యక్రమానికి ట్రాఫిక్ సిఐ అప్పల నాయుడు, ఎస్ఐ సాగర్ ప్రత్యేక అతిథులుగా హాజరయ్యారు. నిర్వాహకులు వారిని సాంప్రదాయ మర్యాదలతో ఘనంగా సత్కరించారు. స్వామివారి దర్శనం అనంతరం సిఐ అప్పల నాయుడు అన్నదాన కార్యక్రమాన్ని ప్రారంభించారు. ఈ కార్యక్రమం గురుస్వామి గొలుసుల తిరుమలరావు ఆధ్వర్యంలో జరిగింది. శరణు శరణు అయ్యప్ప నినాదాలతో ఆలయ ప్రాంగణం మార్మోగింది. భక్తులు పెద్ద సంఖ్యలో పాల్గొని ప్రసాదాలను స్వీకరించారు. ఈ వేడుకలో గురుస్వాములు గరిడేపల్లి వెంకటేశ్వర్లు, తాడబోయిన రాంబాబు, చింతకాయల అంజయ్య, బరిగల శేఖర్, బార్ అనిల్, కట్ల నరసింహారావు, బండి మనోజ్ తదితరులు స్వామి సేవలో పాల్గొన్నారు.
Comments