ఖమ్మంలో అయ్యప్ప స్వామి మహా పడిపూజ

ఖమ్మం బ్యూరో, అక్టోబర్ 5, తెలంగాణ ముచ్చట్లు:

నగరంలోని సారథి నగర్ లో హరిహరపుత్ర అయ్యప్ప స్వామి మహా పడిపూజ వైభవంగా జరిగింది. ఆదివారం చెరుకూరి శ్రీకృష్ణ నివాసంలో కుటుంబ సభ్యుల ఆధ్వర్యంలో అయ్యప్ప మహపడిపూజమహోత్సవం ఘనంగా నిర్వహించారు. ఈ మహపడిపూజ మహోత్స వానికి పెద్దఎత్తున అయ్యప్ప స్వాములు, భక్తులు పాల్గొని అయ్యప్ప నామస్మర ణం, భజన పాటలు, భక్తి గీతాలను ఆలపించారు. అయ్యప్ప స్వామికి పంచామృతాలతో అభిషేకం చేశారు. అనంతరం స్వాములకు చెరుకూరి శ్రీకృష్ణ కుటుంబ సభ్యులు ఆధ్వర్యంలో అన్నదానం చేశారు. ఈ కార్యక్రమంలో పసుమర్తి రంగారావు, అర్వపల్లి అశోక్, కొమ్మరాజు పవన్ ,రాయపూడి రాజు, జి ఎల్ ఎన్ మూర్తి , ఎం. రంగారావు, చెరుకు లక్ష్మయ్య, గొలుసుల తిరుమలరావు గురు స్వాములు పాల్గొన్నారు.