పీచరలో అంగరంగ వైభవంగా సద్దుల బతుకమ్మ

వేలేరు, సెప్టెంబర్ 29 (తెలంగాణ ముచ్చట్లు):

వేలేరు మండలంలోని పీచర గ్రామంలో సద్దుల బతుకమ్మ పండుగఘనంగా జరిగింది. తీరొక్కా పూలతో అలంకరించిన బతుకమ్మలను ఆడబిడ్డలు ఆటపాటలతో, కోలాటాలతో ఆరాధించారు. సాంప్రదాయ వాతావరణంలో పల్లెలో ఉత్సవం కేరింతలు కొట్టింది.సాంస్కృతిక వారసత్వాన్ని ప్రతిబింబించే ఈ వేడుకలో చిన్నారులు, యువత, పెద్దలు, వృద్ధులు భారీసంఖ్యలో పాల్గొని పండగ వైభవాన్ని మరింతగా పెంచారు. పల్లె వాతావరణం బతుకమ్మ కీర్తనలతో మార్మోగింది.ఈ కార్యక్రమంలో పెద్దఎత్తున గ్రామ ప్రజలు పాల్గొన్నారు.