27వ డివిజన్లో అభివృద్ధి పనులకు శ్రీకారం.
రూ.16 లక్షలతో డ్రైనేజీ, ప్యాచ్వర్క్ పనులకు శంకుస్థాపన చేసిన మేయర్ కొలగాని శ్రీనివాస్.
కరీంనగర్, నవంబర్ 18 (తెలంగాణ ముచ్చట్లు):
నగరపాలక సంస్థ అభివృద్ధే ధ్యేయంగా ముందుకు సాగుతున్నామని కరీంనగర్ మేయర్ కొలగాని శ్రీనివాస్ అన్నారు. నగర అభివృద్ధిలో భాగంగా బుధవారం 27వ డివిజన్లో ఆయన పర్యటించారు. ఈ సందర్భంగా స్థానిక కార్పొరేటర్ బొట్ల శ్యామల కిరణ్ కుమార్తో కలిసి పలు అభివృద్ధి పనులకు శంకుస్థాపన చేశారు.
శివాజీనగర్లో నగరపాలక సంస్థకు చెందిన రూ.10 లక్షల నిధులతో ఎస్డబ్ల్యూజీ డ్రైనేజీ, ప్యాచ్వర్క్ నిర్మాణ పనులకు భూమిపూజ చేశారు. అనంతరం ఆదర్శనగర్ వాటర్ ట్యాంక్ వద్ద రూ.6 లక్షల నిధులతో చేపట్టనున్న డ్రైనేజీ నిర్మాణ పనులకు భూమిపూజ చేసి పనులు ప్రారంభించారు.
చేపట్టిన అభివృద్ధి పనులను నాణ్యతా ప్రమాణాలతో వేగవంతంగా పూర్తి చేయాలని ఇంజనీరింగ్ అధికారులను, కాంట్రాక్టర్లను మేయర్ ఆదేశించారు. నగరంలోని అన్ని డివిజన్లలో ప్రజలకు అవసరమైన మౌలిక సదుపాయాల కల్పనకు ప్రాధాన్యతనిస్తూ అభివృద్ధి పనులు చేపడుతున్నట్లు తెలిపారు.
ఈ కార్యక్రమంలో ఇంజనీరింగ్ అధికారులు, స్థానిక ప్రజలు పాల్గొన్నారు.


Comments