5వ వార్డులో ఘనంగా చేయూత పింఛన్ పత్రాల పంపిణీ.
*అర్హులైన లబ్ధిదారులకు పింఛన్ పత్రాలు అందజేసిన మున్సిపల్ చైర్పర్సన్ రొంటాల సుహాసిని మనోజ్ రావు*
హుజురాబాద్,నవంబర్ 18(తెలంగాణ ముచ్చట్లు ):
హుజురాబాద్ పట్టణంలోని 5వ వార్డులో చేయూత పింఛన్ల లబ్ధిదారులకు పింఛన్ పత్రాల పంపిణీ కార్యక్రమం ఘనంగా నిర్వహించారు. ఈ కార్యక్రమంలో హుజురాబాద్ మున్సిపల్ చైర్పర్సన్ శ్రీమతి రొంటాల సుహాసిని మనోజ్ రావు, 5వ వార్డు కౌన్సిలర్ సొల్లు సునీత బాబు పాల్గొని అర్హులైన లబ్ధిదారులకు చేయూత పింఛన్ పత్రాలను అందజేశారు.
ఈ సందర్భంగా మున్సిపల్ చైర్పర్సన్ రొంటాల సుహాసిని మనోజ్ రావు మాట్లాడుతూ పేదలు, వృద్ధులు, దివ్యాంగులు మరియు ఆర్థికంగా వెనుకబడిన వర్గాల ప్రజలకు ప్రభుత్వ సంక్షేమ పథకాలు ఎంతో ఉపయోగకరంగా ఉంటాయని తెలిపారు. సమాజంలోని ప్రతి ఒక్కరికీ గౌరవప్రదమైన జీవనం కల్పించడమే సంక్షేమ పథకాల ప్రధాన ఉద్దేశమని పేర్కొన్నారు. అర్హులైన ప్రతి లబ్ధిదారుడికి ప్రభుత్వ పథకాల ప్రయోజనాలు అందేలా ప్రజాప్రతినిధులు కృషి చేయాలని అన్నారు.


Comments