పెద్దమందడి,ఫిబ్రవరి18(తెలంగాణ ముచ్చట్లు):
పెద్దమందడి మండలం మోజర్ల గ్రామ పంచాయతీలో బుధవారం టీబీ ఛాతీ ఎక్స్రే నిర్ధారణ శిబిరాన్ని గ్రామ సర్పంచ్, వైద్య సిబ్బంది కలిసి నిర్వహించారు. గ్రామస్థుల ఆరోగ్య పరిరక్షణలో భాగంగా ఈ శిబిరాన్ని ఏర్పాటు చేసినట్లు తెలిపారు.శిబిరంలో మొత్తం 85 మందికి ఛాతీ ఎక్స్రే పరీక్షలు నిర్వహించారు. వీరిలో అనుమానిత లక్షణాలు ఉన్న 23 మందికి తేమడ (స్పుటమ్) నమూనాలను సేకరించి పరీక్షల కోసం పంపిస్తున్నట్లు వైద్య సిబ్బంది వెల్లడించారు. గ్రామస్తులు ఈ శిబిరాన్ని వినియోగించుకోవాలని సూచించారు.ఈ కార్యక్రమంలో డా. ప్రవళిక, టీబీ సిబ్బంది, సూపర్వైజర్ రామస్వామి, ఏఎన్ఎమ్ లలిత, పంచాయతీ కార్యదర్శి శ్రీకాంత్, ఉప సర్పంచ్ రాయకంటి రాములు, ఆశ వర్కర్లు గిరిజా, సత్యమ్మ పాల్గొన్నారు.
Comments