దుర్గామాత మండపాల్లో ప్రత్యేక పూజలో పాల్గొన్న కార్పొరేటర్ బన్నాల

చిల్కానగర్, సెప్టెంబర్ 27 (తెలంగాణ ముచ్చట్లు):

ఉప్పల్ నియోజకవర్గం చిల్కానగర్ డివిజన్ పరిధిలో దుర్గామాత నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఈ సందర్భంగా కార్పొరేటర్ బన్నాల గీతా ప్రవీణ్ ముదిరాజ్ శనివారంపలు మండపాలను సందర్శించారు. కళ్యాణ్ పూరి, ఇందిరానగర్ కాలనీలతో పాటు చిల్కానగర్ ట్రాలీ ఆటో అసోసియేషన్ ఆధ్వర్యంలో ఏర్పాటు చేసిన దుర్గామాత అమ్మవారి మండపాలను దర్శించి ప్రత్యేక పూజల్లో పాల్గొన్నారు.ఆమె భక్తులందరితో కలిసి అమ్మవారి ఆశీస్సులు పొందుతూ, అనంతరం అన్నదాన కార్యక్రమంలో అన్నప్రసాదాన్ని భక్తులకు పంపిణీ చేశారు.ఈ కార్యక్రమంలో బీఆర్‌ఎస్ పార్టీ రాష్ట్ర నాయకులు బన్నాల ప్రవీణ్ ముదిరాజ్, సీనియర్ నాయకులు కొండల్ రెడ్డి కోకొండ జగన్, రామాంజనేయులు, బంటి, శ్యామ్ తదితరులు పాల్గొన్నారు.