పెద్దమందడి,జులై19(తెలంగాణ ముచ్చట్లు):
వనపర్తి జిల్లా పెద్దమందడి మండలం చిలుకటోనిపల్లి గ్రామ శివారులోని ఊకచెట్టు వాగులో మొసలి కనిపించడంతో గ్రామస్తులు భయాందోళనకు గురయ్యారు. స్థానికులు వెంటనే స్నేక్ సొసైటీ సభ్యుడు కృష్ణసాగర్తో పాటు అటవీశాఖ అధికారులకు సమాచారం అందించారు.సమాచారం అందుకున్న కృష్ణసాగర్, అటవీశాఖ సిబ్బంది ఘటనా స్థలానికి చేరుకుని స్థానికుల సహకారంతో మొసలిని సురక్షితంగా పట్టుకున్నారు. అనంతరం మొసలిని అటవీశాఖ ఆధీనంలోకి తీసుకుని సురక్షితమైన సహజ ఆవాసంలో విడిచిపెట్టేందుకు తరలించారు.మొసలి పట్టివేతతో గ్రామస్తులు ఊపిరి పీల్చుకున్నారు.వాగులు, చెరువుల వద్దకు వెళ్లే సమయంలో ప్రజలు అప్రమత్తంగా ఉండాలని అటవీశాఖ అధికారులు సూచించారు.
Comments