ఉప్పల్, సెప్టెంబర్ 22 (తెలంగాణ ముచ్చట్లు):
దేవి నవరాత్రి ఉత్సవాల సందర్భంగా ఉప్పల్ మహంకాళి దేవాలయం, పోచమ్మ దేవాలయంలో భక్తి శ్రద్ధలతో ప్రత్యేక పూజలు నిర్వహించారు. ఉప్పల్ నియోజకవర్గ కాంగ్రెస్ పార్టీ ఇంచార్జి పరమేశ్వర్ రెడ్డి, కార్పొరేటర్ మందముల రజిత పరమేశ్వర్ రెడ్డి దంపతులు అమ్మవారిని దర్శించుకుని ప్రత్యేక పూజల్లో పాల్గొన్నారు.ఈ సందర్భంగా దేవాలయ పరిసరాలు భక్తులతో నిండిపోయాయి. అమ్మవారిని పూలతో, దీపాలతో అలంకరించి భక్తులకు మహాదర్శనం కల్పించారు. స్థానికులు పెద్ద ఎత్తున పాల్గొని పూజలు నిర్వహించారు.
ఈ కార్యక్రమంలో దేవాలయ చైర్మన్ తెల్కల మోహన్ రెడ్డి, ఈగ ఆంజనేయులు, భాస్కర్, గుమ్మడవెల్లి కృష్ణ, మంద మురళి కృష్ణారెడ్డి, అన్నపు రెడ్డి కృష్ణారెడ్డి, కన్యమైన నరేష్, షాగా శేఖర్, కర్ణ ముదిరాజ్, గొరిగ బీరప తదితరులు పాల్గొన్నారు.
Comments