అంబేద్కర్ జయంతి సందర్భంగా పారిశుద్ధ మహిళా కార్మికులకు చీరల పంపిణీ.

హైదరాబాద్, ఏప్రిల్ 15 (తెలంగాణ ముచ్చట్లు):

భారత రాజ్యాంగ నిర్మాత డాక్టర్ బి.ఆర్. అంబేద్కర్ 135వ జయంతి సందర్భంగా దేశవ్యాప్తంగా వివిధ సేవా కార్యక్రమాలు నిర్వహించబడుతున్నాయి. ఈ సందర్భంగా షెడ్యూల్ కాస్ట్ రైట్ ప్రొటెక్షన్ సొసైటీ ఆధ్వర్యంలో లంగర్ హౌస్ డివిజన్‌లో ప్రత్యేక సేవా కార్యక్రమం నిర్వహించారు. మున్సిపల్ పరిధిలో పనిచేస్తున్న సుమారు 50 మంది పారిశుద్ధ మహిళా కార్మికులకు చీరలు పంపిణీ చేశారు.ఈ కార్యక్రమంలో సొసైటీ సభ్యులు పాల్గొని, అంబేద్కర్ ఆశయాలను గుర్తుచేశారు. సమాజంలోని అణగారిన వర్గాల అభ్యున్నతికి అంబేద్కర్ చేసిన సేవలు అమూల్యమని పేర్కొన్నారు. కార్మికుల సంక్షేమం కోసం ఇలాంటి సేవా కార్యక్రమాలు కొనసాగాలని ఆకాంక్షించారు.చీరలు అందుకున్న మహిళా కార్మికులు సొసైటీ సభ్యులకు కృతజ్ఞతలు తెలియజేస్తూ, తమపై చూపిన ఆదరణకు సంతోషం వ్యక్తం చేశారు. కార్యక్రమం సరళంగా కానీ అర్థవంతంగా జరిగింది.